Banner

سولې ته: محمدحنيف حيران

04.10.2011 09:23

جنګ دې نور ورک شي، سپينه سوله دې له شکه ووځي
خدايه! مرمۍ دې د ټوپک له بل ټوپکه ووځي

زمونږه خاوره خدايه مونږ ته خپله سره او سپين کړې
زمونږ هيواد دې نور د نورو له کومکه ووځي

پر زمکه تنګ انسان د بلې زمکې لټه کې دی
درومي سپوږمۍ ته ،ګوندې هلته ورته زمکه ووځي

مونږ ه چې خپلې هنري قلمي ګوتې لرو
نو سېپارې ته له طاوس ولې بڼه ووځي

زمونږ غرونه دې وي ښکلي په الوت د ګوربت
تر منځ يې ولې د بمونو الوتکه ووځي

دبري بام ته به د ماتې په زينه ورخيږې
زر هله زر شي چې له اور او له څټکه ووځي.
.

نعيم سيرت 20.12.2011 13:45

ماشاالله دير په زړه پورې

جلات خان ادل 12.10.2011 10:20

د شاۍستۀ شعرونه ؤ شاېسته شعران رالله زوندی لی

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.